Балет гэсэн нэр томъёо нь Ballare-бүжиглэж байна гэсэн Латин үгнээс гаралтай бөгөөд энэ нь бал буюу ардын бүжиг наадмаас үүсэлтэйг харуулж байгаа юм.
Балетын тухай эхлэхээс өмнө бүжиг гэж юуг хэлдэг тухай авч үзье. Үйлдэл хөдөлгөөн хөг аянд тулгуурлан амьдралыг уран сайхны дүрээр илэрхийлдэг урлагын хэлбэрийг бүжиг гэнэ.
Харин балет нь утга санаа үйл, явдалыг хөгжимийн ая, бүжгийн хөдөлгөөний өвөрмөц дүрээр илэрхийлж дүрслэх урлаг зэрэг бусад төрөлтэй хамтран бүтээгддэг тайзны нийлмэл урлаг юм.
Сонгодог бүжиг дэлхийн ард түмний бүжгийн хамгийн шилдэг элементүүдийг шингээсэн бүжгийн урлагын уран сайхны дүрээ илэрхийлэх гол хэлбэр юм.
Балетын түүх XV-р зуун Италийн ренесансын үеэс эхлэх бөгөөд тайзны хэмжээнд очсон нь XVII-р зуунд Францын “Наран хаан” гэж алдаршсан XIV-р Людвик хааны /1643-1715/ үе буюу чухам энэ үед л балет бие даасан урлагийн нэгэн төрөл болж тодорч иржээ.
No comments:
Post a Comment